Ja, vi kan ikkje klaga over veret den siste veka – vi har jo hatt meir sommar desse dagane enn i heile fjor til saman! For min del har veka bydd på alt frå tvangsklypping (takk til gode venninner, eller det var no eigentleg berre Jorunn, som tar affære når ikkje eg får gjort det sjølv 🙂 ), fin kveldstur inn i Fagerdalen med Ann Irene, kjekk firmafest med heile Norwatergjengen på fredag som innebar både putballspeling, god mat og drikke på Bøkkeren og revy på Husnes, heile laurdagen gjekk med til soling og i går fekk eg han far til å ta meg med på båttur til Ånuglo..
….kor eg sonderte padleterrenget 🙂
Det er ikkje så lett å ta bilete av «hjem, kjære hjem» lenger – det er mykje skog på Eik for tida.
Forbi Brødrene Hjønnevåg.
Og så nådde vi Ånuglo 🙂 Ja, dette er ikkje sjølve Ånuglo då – som alle skjønar så er dette kun eit skjer sjøen ved Ånuglo 😉
Hvis ein ser godt etter, ser ein at dette er eit skikkeleg måkeskjer.
Utsikt mot Tysnessåto frå skutesida.
Det er jo fantastisk flott padlefarvatn her borte – her må vi få over kajakkane fortare enn svint. Eg prøvde og å sjå etter evt. plassar å campa. Eg klarte ikkje å sjå nokon teltplassar i frå skutesida, men det kan no henda ein finn det om ein går i land. Hengeøyeplassar derimot, hengekøyeplassar finnes det nok i tusenvis 🙂 Heile Ånuglo er jo dekka av trer – nesten heilt ned i vannkanten 🙂
Det var høg flo i går – favorittstranda mi låg heilt under vatn.
Mykje idyll 🙂
Sjølv om det var stor flo i går, var det enda plasser det ikkje gjekk an å koma til med båt fordi det er for grunt og for mange skjer i sjøen. Men med kajakk skal ein nok greit koma seg fram, så eg gledar meg til vi skal på oppdagelsesferd her 🙂
I går kveld var eg faktisk på padletur – på Staffivatnet med Jorunn. Det får bli eit anna innlegg, kanskje i morgon 🙂
anitasboble 