Ja, det har vore stille her på Bobla ei stund no – eg har rett og slett ikkje hatt noko skrivelyst på ei stund. Kanskje kjem det seg i 2020, kanskje ikkje. Vi får venta å sjå 🙂 No er det i allefall brått blitt jul, og etter nokre travle dagar, har julefreden senka seg her i huset – kor mykje bråk kan det eigentleg bli når ein er aleina heima??;-)
Vi har kutta noko ned på gavestyret i år – kusine Anne Helen og eg fann ut vi heller ville finna på noko anna. Og, basarentusiast som eg er, enda vi på at vi ville invitera slekta på familiejulebasar 🙂
På laurdag var vi klare….
…..og huset var pynta frå topp til tå med fine og mindre fine gevinastar 🙂
Alle gjestene fekk utlevert 6 basarårar kvar 🙂
Det blir trangt i det velte huset mitt når så mange skal samlast, men det gjekk heilt fint og vi skulle klart å pressa inn enda eit par sjeler (greit å vita til neste år) 🙂
Som seg hør og bør var det enkelte som forlot basaren enda meir oppstasa enn då dei kom – både med hårpynt, slips og skolisser med lys. Nokon lukta betre når dei gjekk enn når dei kom og andre igjen sikra seg ekstra julegodteri 🙂 Og det beste av alt – ALLE kunne gå heim med ein eller fleire gevinstar 🙂
Det var mange som hadde lyst på juletrehatten, men det var Stian som stakk av med den 🙂
Eg hadde «bestilt» fotoramme hos broderen – og han leverte 🙂 Både store og små hadde det løye i «fotokroken» på kjøkenet 🙂
Den aller fyrste familiejulebasaren var ein suksess, så eg trur dette blir ein ny juletradisjon hos oss 🙂
Så snart gjestene var ute av huset, var det berre til å hiva seg rundt, rydda, og få inn….
….julatreet 🙂
I går hadde vi julemiddag og Stian fekk opna pakkane sine sidan har skulle reisa på jobb att i dag. Fyrste jula vekke, men det går nok heilt fint 🙂
Og når guten var reist, kunne eg ta meg ein liten tur til Ådnaklett…
….med julepynten i sekken…
Uskedalen vetlejulafta 2019.
Sikkert like greit eg ikkje traff på andre i skogen når eg låg på alle fire å fotograferte julekuler og sukkertøy eg hadde strødd rundt meg… 😉
Vel heima måtte eg svinga meg rundt og gjera meg klar for juleselskap igjen – heldigvis ikkje heima hose meg sjølv denne gangen.
No har eg flata ut på sofaen, har kokt grauten til morgondagens riskrem dessert, fått med meg Hovemesteren og grevinnen i augnekroken – beklagar, men det er mange år sidan eg gjekk lei den…
Eg skal ikkje gjera så mykje meir no enn å dukka opp på julemiddag hos mor og far i morgon kveld 🙂
Så då vil eg tilslutt ynskja alle saman….
anitasboble 