Søndag i Innsbruck!

Søndag vakna vi til det som såg ut til å bli ein strålande dag i Innsbruck. Dvs. vi vakna, som dei forrige morgonane, i 6-7 tida av «gatevaskarbilen» som bråka og skrangla noko så inni granskauen! Men gatene vart no i allefall reine….

Strålande morgon -og faktisk fyrste gang vi var oppe og kikka i etasjen til dei som budde to etasjar over oss. Vi vart litt misunnelege då vi oppdaga at dei faktisk kunne sjå bort på Nordkette!

Og Nordkette var akkurat det som stod på programmet vårt denne dagen. For å koma dit måtte vi fyrst ta Hungerburgbahn opp til Hungerburg – dette kan vi vel kalla Innsbruck sin Fløybane 🙂 Eg påstod at eg knapt hadde vore på tur i fjellet i Innsbruck før, men der fekk eg passet mitt påskrevet og bilete tilsendt som prov på at eg faktisk hadde vore i Hungerburg tidlegare 😉

Men no skulle vi i alle tilfelle enda lenger opp, og fortsatte med Nordkettebahn opp til Seegrube – 1900 meter over havet.

Vår endestasjon – Seegrube Restaurant.
Ingenting å seia på utsikta over Innsbruck herifrå 🙂 Litt synd det var så disig denne dagen.

Det vart litt diskusjon om kor vi skulle gå vidare. Det er nemeleg utallege vegar og stiar å velgja i….

…heldigvis vart det ikkje bestemt at vi skulle ta ein ny bane opp til Hafelkarspitze 😉 Eg veit ikkje om eg hadde turt å vera med…

Det går faktisk an å ta banane ned att i frå fjellet óg, men det var ikkje noko alternativ for oss. Sidan to av dei svenske damene hadde fly heim frå Munchen om kvelden, og måtte forlata oss om ettermiddagen, valgte vi å gå grusvegen ned mot Bodensteinalm iom at den såg kortast ut.

Her er vi komen så langt at vi ser ned på Bodensteinalm. Vegen vi hadde valgt var heilt grei å gå. Ganske brei og fin grusveg som svinga seg nedover fjellet. Heile vegen traff vi folk som var på veg opp – stakkarar, det var varmt denne dagen – heile 25-26 grader! Og syklistar – det var utruleg mange som sykla opp, både med og utan elmotor. Enkelte av sidestiane var forbeholdt kun syklistar. Eg følte meg lite sprek når desse sykla forbi meg – oppover….
Frå Bodensteinalm kunne vi kikka oppatt på Seegrube stasjonen – vi var no komen eit stykke på veg ned 🙂

Her tok vi oss ei vel fortjent pause i sola 🙂 Bestilte oss litt mat og drikke.

Sjå kor lurt – laga for at drikka skal kunna stå i skuggen 🙂 Sånn vil eg og ha i hagen – i allefall hvis vi får fleire somrar slik som i år 🙂
Det er koseleg med slike Almar som dukkar opp i fjellet og skogen 🙂
Utsikt i frå Bodensteinalm 🙂

Så var tida komen for å ta farvel med Erica og Hillevi. Medan dei tok kortaste og brattaste veg ned i frå fjellet, kunne vi andre…

…..tusla vidare ned skogsvegen 🙂

Omsider kom vi ned att til Hungerburg og kunne ta banen ned til by’n. No fekk vi det litt travelt med å springa rundt i souvenirbutikkane i gamlebyen for å handla litt dill med heim. Tru det eller ei, både fredag og laurdag hadde vi hatt det så travelt at vi ikkje rakk innom nokon butikkar før dei stengte! Tenkja seg til – 8 damer på tur og ingen var innom ein einaste butikk!! Ja, bortsett frå eit par turar på matbutikken 🙂

Kvelden vart nok eingong avslutta med ein middag i gamlebyen før vi gjekk heim og pakka for heimtur på mandag. Vi uskedelingane måtte opp klokka 0500 for å nå flyet 0815!

Og dermed var det på tide å seia farvel til Innsbruck for denne gangen 🙂 Jammen, fekk vi pressa inn mykje på desse få dagane! Det aller kjekkaste var sjølvsagt å møta alle damene igjen. Sjølv om nokon av hos har møtt kvarandre dei siste 28 åra – nokon av oss har jo og budd i lag medan vi studerte, og vi uskedelingane ser jo kvarandre titt og ofta – har vi ikkje vore samla alle saman før. No må vi berre passa på at det ikkje går 28 år til neste gang for dette frista til gjentaging 🙂

Har du lyst å sjå meir av Østerrike, Innsbruck og omeng? Då treng du ikkje venta så lenge, om berre nokre dagar startar VM på sykkel i – nettopp – Innsbruck 🙂 Bortsett i frå at dei dreiv å rigga til området kor premieutdelinga skal foregå, og at enkelte gater var stengt, såg vi særs lite teikn på at det nærma seg dette VM’et, men….

…..rundkøyringane var i allefall byrja å koma i VM stemning 🙂

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

This site uses Akismet to reduce spam. Learn how your comment data is processed.