Laurdag i Innsbruck, og damene hadde alstå bestemt seg for å køyra til Fulpmes i Stubaital for å kikka på Almabtrieb – altså at kyra kjem heim frå sommarbeite i fjellet 🙂 I tillegg så er det eit fint område å gå fjelltur i, så det og stod på planen.
Medan den eine bilen plotta staden inn på GPS’en i bilen og køyrte rett til Fulpmes….
Tilslutt fann vi fram vi og, og då var det berre til å venta på at flokken skulle koma ned i frå fjellet 🙂
Det skulle visa seg at Almabtrieb er ein skikkeleg festdag i landsbyen. Då er det musikk, folk pyntar seg i dirndl og lederhosen og stimlar saman for å ta i mot kyra. Det var i det heile tatt noko heilt anna enn eg såg for meg, og det var rett og slett artig å få med seg 🙂
I tillegg til å fotografera med mobilen, sprang Kjellrun rundt med speilreflekskameraet mitt – så her fylgjer ein overdose bileter frå årets Almabtrieb i Fulpmes 2018:
No var det på tide for oss å koma oss opp i fjellet og fyrste etappe tok vi…
Det var diverse ruter vi kunne ta når vi kom opp, og vi bestemte oss for å gå ein grusveg der vi skulle koma til ein Alm etter ca. 1 time…
Det gjekk oppover, oppover, oppover og oppover….
Det viste seg at vi og kyra var klare til å gå på ned omtrent samtidig. Eg fekk tid til å fotografera det som vart mi favorittku før ho la i veg…
I tillegg var det ganske fint her…
Laurdagen vart avslutta med ein koseleg middag på ein av restaurantane i Altstadt’en.
Søndag var siste dagen i Innsbruck for to av dei svenske damene, så då reiste vi ikkje så langt vekk, vi tok turen opp i fjellet ovanfor Innsbruck – Nordkette. Det kjem nok eit eige innlegg om det og 🙂
anitasboble 