I min pure ungdom – faktisk heile 28 år sidan – reiste eg til Østerrike og jobba som au-pair eit år. Eg budde då i ein liten landsby som heiter Axams ikkje så langt i frå Innsbruck. Vi var ein god del au-pairar i Innsbruck og omeng det året, så vi vart ein god gjeng som haldt i hop når vi hadde fri. I ettertid har vi på sett og vis klart å halde kontakten – dei siste åra mykje godt takka vera Facebook 🙂 Og det var akkurat der eit lyst, svensk hovud slang ut spørsmålet i april/mai: «Skal vi ikkje få til eit treff i Innsbruck??»
Sjølvsagt skulle vi det! 8 stk. var vi som haldt i hop heile året, og tru det eller ei, alle 8 var klar for reunion sist helg 🙂 5 norske og 3 svenske damer på tur 🙂
3 uskedelingar og 1 svensk dame kom ned allereie torsdag kveld….
Vi hadde booka to leiligheiter i Alstadt (gamlebyen) og meir sentralt enn dette går det ikkje an å bu! Vi var litt spente på korleis det kom til å sjå ut, for vi syntes det var litt utruleg at det var ledig, men plassen var heilt perfekt!
Dei siste 4 skulle fly til Munchen på fredags formidag, leiga bil og køyra til Innsbruck. Medan vi venta på dei, leigde vi oss og bil og la ut på ein sightseeingrunde. Fyrste stopp var å køyra opp til Axamer Lizum – skisenteret ovanfor Axams.
Turen fortsatte til Gøtzens kor Ann-Sofie budde ei stund, så ut til Mills for å sjå kor Marit budde. No burde sjølvsagt dei andre snart nærma seg Innsbruck, men dei stod enda i Munchen og venta på ein koffert som var fordufta… Så då fekk vi tid til enda meir sightseeing…
Kvelden vart avslutta med eit måltid i Altstad kor vi fann ut at det var på tide vi møttes igjen slik at vi fekk korrigert minnene vi har frå 28 år tilbake i tid 😉 Sjølv om ein var sikker i sin sak om korleis det var, så kunne f.eks Kjellrun dra fram eit bilete som viste noko heilt anna 🙂
Eg er litt usikker på korleis det gjekk til, men på laurdagen vart vi, utan diskusjon, einige om å køyra til Fulpmes for å sjå på at kyra kom heim frå sommarbeite i fjellet…. Det kjem eige innlegg om det, då eg har i overkant mange bileter av desse kyra å visa dåke 🙂
anitasboble 