Det vart ei roleg avslutning av året her på Bobla, men eg har så absolutt ikkje avgått med døden 🙂 No er vel tida komen for å mimra tilbake på året som gjekk, så køyrer eg ei lika greit igang ei lita BobleÅrskavalkade…

Januar

Då det nye året starta, starta eg og min fjerde månad som permittert i frå jobben. Forutan mykje strikking og hekling var eg framleis opptatt av å koma meg ut på tur kvar dag. Januar var månaden med dei store temperaturforandringane – alt i frå -13 til + 12 grader på berre nokre dagar. Det var veldig kjekt med minusgrader, for då fann eg meg enda ein ny hobby…

…å laga islykter 🙂

Ellers så har eg vel aldri opplevd ein så flott vinter ved Fjellandsbø tidlegare…

…skikkeleg winterwonderland!

Pølsegrilling med gode vener i skikkeleg vinterver og minus 13 grader ved Fjellandsbøvatnet 🙂 (Eg fraus slik på tærne at eg knapt hadde tid til å grilla ei pølse før eg tok sikte på bilen for å koma meg heim i varmen att 😉 )

Februar

No vart det slutt på slaraffenlivet og eg kunne venda tilbake på jobb 🙂 Ting snur fort – medan andre rundt oss har gått konkurs og sliter, har 2016 vore eit veldig godt år for Norwater AS 🙂 La oss håpa 2017 blir minst lika bra 🙂

Endeleg fekk Telttøttene utført si vinter overnatting ute – vi kroa oss til i gapahuken ved Fjellandsbøvatnet. Det var KALDT! Det var BIKKJEKALDT og om kvelden sat vi nesten oppi omnen for å varma oss. Men om natta fraus vi ikkje – det skulle berre mangla så mykje kler, tepper, soveposar og dyner som vi hadde med oss. Ja, Ann Irene kom til og med drassande meg ei svær madrass 🙂 Overnattinga gjekk flott den – så nøgd var eg at eg slo til med litt «yoga» om morgonen…

Glad for å ha overlevd ei natt ute i februar 🙂

På bursdagen min var eg så heldig å få med meg Anne Grethe på min fyrste skitur i løypa rundt Reikatindane. Og for ein fantastisk flott tur vi hadde i strålande, flott ver.

Eg fekk til og med pakke på skituren – flotte, heimastrikka sokkar av Anne Grethe 🙂

Dette var ein flott måte å feira bursdag på 😉 Reprise i 2017, kanskje?

I februar tok eg og favorittbiletet mitt i 2016…

Harespor så langt ein kan sjå i glitrande snø 🙂

Mars

Dette hadde eg gleda meg til i eit heilt år….

…..årets Fest og Basar ! Og eg vil påstå det vart nok ein basarsuksess – desse to såg ut til å kosa seg i allefall 😉

Mest spanande var det jo å sjå kven som vart den heldige vinnaren av motorsaga – ville eg bli kvitt den denne gongen?

Vi fekk ein vinnar! Tor vart den heldige som kunne gå heim med hovudgevinsten og riktig beskyttelsesutstyr 🙂

Eg gledar meg til Fest og Basar 2017 – den er allereie under planleggjing 🙂

Påskeveret vart ikkje noko å skriva heim om i 2016, det var vel ein dag med strålande ver – onsdagen. Eg hadde tatt meg fri i Påskeveka for å trena på skigåing til Slarverennet, så eg måtte jo nytta meg av denne dagen og. Det vart ein tur i kø til…

…Nautavatnet.

April

Av diverse orsaker vart det mykje vingling att og fram før vi tok ut, men omsider enda det med at vi tok ut mot Gol i år og for å gå Slarverennet 🙂 Pga. veret var vi faktisk ikkje sikker på om vi kom til å starta før om morgonene, men brått stod vi der…

…på startstreken 🙂 Og der stod vi bokstaveleg klistra – skia måtte smørast om av proffe aktørar FØR vi i det heile tatt fekk starta!

Eg trur desse tøttene var ekstra glade for å ha kome i mål denne gangen – frå å ha hatt perfekte ski den fyrste halvdelen av løypa til å ha følelsen av å gå på høghela ski den siste halvdelen. Det hjalp litt at dei aller fleste andre deltakarane sleit lika mykje – det vart ein tur med mykje latter og banning 😉

Eller så vart dette månaden vi kunne gå til fjells igjen utan å trø i snø…

….Ann Irene og eg hadde vår aller fyrste tur til varden på Sandvoll – ein flott tur 🙂

Mai

I mai klarte Magnhild og eg å lokka med oss Jorunn på hennar fyrste skitur til Ulvanåso. Vi skulle gå opp ein kveld og overnatta i telt ved Dyrrindo før vi tok skituren dagen etterpå. Vi visste vel allereie då dette synet møtte oss i Tveitedalen, at denne turen kom til å bli bra…

Svein Vidar var på jobb, så Jorunn hadde måtta pakka sekken sin sjølv 😉

Nok ein flott tur og Magnhild fekk tatt i bruk sjølfistanga ho fekk av oss til bursdagen sin 🙂

Eg innrømmer det glatt- etter at guten vart så stor at det ikkje lenger var noko krav å gå i 17.mai tog med skulen, har vi vel knapt vore med på feiringa av 17.mai borti bygda. Å svirra rundt på skuleplassen på måfå for å venta på å gå i tog er ikkje noko for oss. Difor vart eg veldig glad då Jorunn og eg fekk for oss at i år skulle vi feira 17.mai på Folgefonna. Svein Vidar protesterte ikkje noko mot desse planane, han heller – så då tok vi ut.

17.mai på fonna 🙂

Alle steinvardane i alle størrelsar og fasongar imponert oss. Denne imponerte oss mest 🙂

Uheldigvis satte skodda ein stoppar for det meste av skituren, men vi kosa oss likevel. Kanskje vi er heldigare med veret i 2017? Ja, for vi har bestemt oss for at dette må bli ein tradisjon på 17.mai 🙂

Juni

Ja, kva skal ein seia – lite visste vi vel at dei få skikkelege sommardagane vi skulle få i 2016 skulle koma i slutten av mai og byrjinga av juni.

Og ein av desse sommarkveldane brukte Jorunn og eg på å …

…padla på Staffivatnet!

Og så var det i juni eg fekk prøva å sova i den nye hengekøya mi for aller fyrst gang. Igjen så var det Jorunn og eg som var ute på ekspedisjon i lag…

…ho i luksusvarienten…

….og eg i tjenarboligen 😉 Og til tross for at eg gjekk i bakken i laupet av natta og måtte til å henga opp køya igjen i mørket, var eg strålande nøgd med hengekøya mi! Dette vart ein ny favorittsoveplass 🙂

Juli

Endeleg feire….

…og den starta med drinkaften ein fredagkveld med desse damene…

….og fortsatte med camping i Blådalen med dei same damene på lørdagen:-)

Dette var og månaden eg trudde, på heilt ekte, at eg kom til å enda mine dagar i ein sving på veg oppover mot Gardshammar og Botnavatnet. Då eg endeleg klarte å koma meg opp til Botnavatnet…

….såg ikkje eg og denne karen så veldig ulike ut 😉

Medan eg låg langflat i lyngen og lurte på kva i all verda som skjedde med kroppen på veg opp hit, spratt Ann Irene opp på neste topp… Eg har ein mistanke om at eg må sjå den toppen i frå ein anna vinkel i 2017…. 😉

Men, det var nok ikkje noko gale, for ikkje så mange vekene etterpå var vi på tur igjen…

….denne gang til Bjørndalssetra – og det var leikande lett å koma seg opp dit 🙂

Og jammen rakk vi ein VÅT tur til…

…hytta i Børsdalen og. Her måtte eg bruka kreativiteten min når det gjaldt å koma seg mest mogleg tørrskodd heimatt der i frå 😉

August

Festidalen…

….og lille, store Timbuktu kom til gards 🙂

I år fekk eg med meg begge festivaldagkveldane, men må vel vedgå at medan eg var særdeles høgt oppe på fredagen så var eg adskilleg meir dempa på lørdagen 😉

Vi har ikkje hatt så veldig mange padleturar i 2016, men dei vi har hatt har alle vore veldig flotte. Den flottaste hadde vi kanskje her…

…på Møsevatnet ein vakker kveld i august.

Ein anna flott padletur hadde vi til Skorpo ein kveld…

….i måneskin.

Det er ikkje så ofta eg går tur med mor, men i august var det faktisk ho og Kjellaug som drog meg med på opninga av den nye…

…Blådalshytta. Det var ein litt lang tur rundt vatnet, men eg vil definitivt tilbake her og overnatta i hytta eingong.

September

I september gjorde eg noko eg aldri har gjort før – eg tok rett og slett fri frå jobb for å gå til fjells! Den dagen brukte Ann Irene og eg på å ta turen til Buerbreen…

Ein vel anvent fridag 🙂

Dette var og månaden vi pakka kajakkane til randen med campingutstyr for aller fyrste gang – for å padla til Sild på overnattingstur…

Det vart mykje moro med havet som steig og teltet til Jorunn og Svein Vidar som stadig måtte flyttast utover kvelden..

….det problemet hadde ikkje eg som skulle bu i hengekøya.

Dette var ein suksess og vi skal heilt sikkert på tur med fullpakka kajakker fleire gonger 🙂

Jorunn og eg var jo ikkje meir enn komen heim frå denne turen før vi måtte pakka om sekkene våres og ta ut på jentetur med Ann Irene og Magnhild…

…til Mannsvatn og Felly. Vi vart veldig positivt overraska over kor flott og oppgradert hytta var blitt 🙂

Oktober

I oktober var eg så heldig å få vera med Jorunn og svigerfaren Magne på padletur ein nydeleg kveld på Myrdalsvatnet.

Spegelblankt vatn…

…og nydeleg solnedgang 🙂

Ein anna kveld gjekk Ann Irene og eg til Såto. At det no byrja bli tidleg mørkt fekk vi erfara på heimvegen…

Vi hadde vel ikkje klart å koma oss ned i frå fjellet ved eiga maskin denne kvelden om ikkje eg hadde huska å hiva ei hovudlykt i sekken…

Vi rakk i grunnen mange flotte fjellturar i oktober..

Tur til Horgjo med Ann Irene (tok faktisk ein fridag til frå jobb for å gå denne turen)…

….kveldstur til Kvanto med Thor Ivar og Jorunn…

….og dagstur til Kvanto og omeng med Marianne og Jorunn – dagen dei vart satt til å piska kremfløyte for hand på fjellet 🙂

November

November kjem sist på lista mi over favorittmånader. Det er mørkt når eg går på jobb og mørkt når eg kjem heimatt frå jobb. I tillegg er det ofte surt og gufse. Så og i år. Eg trur eg var ute i frisk luft tre ganger i heile november….

….ein tur til Tverrfjell i Omvikdalen med Ann Irene….

….ein tur til Myrdalsvatnet i Rosendal – og med Ann Irene…

….og ein løyen, men akk så strevsom tur til Dyrrindo i snø oppetter låra 🙂 Igjen var det Ann Irene som var med meg på tur 🙂

Desember

Desember er kjekkare enn november – då kan vi jo ta fram julepynten og kosa oss med forberedelsane til jul 🙂 I år har eg ikkje baka ein einaste kjekssort og i år som i fjor vart det ikkje satt inn julatre. Så kva eg har forberedt kan ein jo lura på…. Men vi hadde i allefall ein gysla kjekk juleverkstad kveld…

….hos Jorunn 🙂

Sant og seia vart vi vel ikkje ferdig med så mykje der heller, men vi fekk no…

 ….pynta treet hennar – ein aktivitet eg har på følelsen av at vi vart lurt til å ta fatt på 😉

Ja, og så fekk vi jo ferdig eit…

…..fantastisk flott peparkakehus – før vi stakk i frå heile verkstaden og avslutta kvelden på Snikkeriet.

Ein søndag tok heile familen Glum + Nilsen turen til Hotel Ullensvang på familiejulabord – det var det den nye lottomillionæren i familen som spanderte på heile hurven 🙂 Kanskje 2017 blir året eg må byrja tippa??? 😉 Vi må uansett ha oppført oss veldig fint på julabordet, for….

…nissen dukka i allefall opp 🙂

Ellers så vart vel desember Stian sin månad i år. Han reiste til Os for å ta fagprøven som anleggsmaskinførar. Mor var så nervøs heile dagen ho klarte nesten ikkje sitja i ro på kontorstolen sin, men omsider kom det ei melding, kort og konsist, utpå ettermiddagen: «No er eg blitt fagmann». Det trur eg nok var favorittmeldinga mi i 2016 🙂 I tillegg fylte han 20 år i desember, noko som er litt vanskeleg å tru på sidan eg framleis berre er ungdom???

Vi har kome oss gjennom jula med både god mat og opning av julepakkar, litt turgåing i regnveret, eit par turar innom kontoret og mykje Netflix 🙂 No gjenstår berre å feira NyttÅr og så er det bånn gass inn i 2017….

Og med det vil eg ynskja alle Boblelesarane…

EIT RIKTIG GODT NYTT ÅR!