Islykter!

Tidlegare har eg lagt ut eit innlegg om korleis ein lagar fine lykter i glas (Lyslykter), og no kjem eit innlegg om islykter laga ved hjelp av vatn og ballongar..Eg kom over eit fint bilete av @moseplassen på Instagram forrige veke som viste nokre flotte islykter ho hadde laga. Ho hadde lagt ved link til heimesida si kor ho viste framgongsmåten – dette MÅTTE eg jo sjølvsagt prøva 🙂

Ballongar vart innkjøpt, og eg satt i gang med prosjektet. Den fyrste ballongen sprakk – og eg fekk eit ufrivilling opphald kor eg måtte vaska kjøkendisk og golv før eg kunne fortsetja…

Det tok ikkje så lang tid før desse kom på trappa.

Så var det berre til å venta…eit døger…Eg var veldig spent på korleis dette kom til å sjå ut neste dag. Fjerna ballongen på den minste lykta…

….slett ikkje verst 🙂 Kunne ha hatt ein finare fasong, men det er det jo potta ein puttar ballongen i som bestemmer…

Tok fatt på lykt nr. 2. Denne hadde ein veldig fin fasong – men uheldigvis så var ikkje botn lika godt frosen som resten, så den enda slik:

Nuvel, ein kan ikkje lykkas alltid 😉

Lykt nr. 3 valgte eg å laga opninga i botn i staden for på toppen. Det var ikkje heilt vellukka det heller, for då blei lykta meir som ei stor skål. Men, men, det går an å ha lys i skåler og 🙂

Skål nr. 1 har fått lys i seg. Mine lykter vart litt for små til å ha kubbelys i, så eg brukte store telys i stadenfor.

Ja, ja, ikkje så aller verst for fyrste forsøk? Må her leggja til at når biletet vart tatt så hadde lykta stått å smelta i varmegrader ein heil dag…

Sidan lyktene vart så små fekk dei og fint plass i hylla på trappa mi 🙂

Den største lykta som vart meir som ei skål.

Vart ikkje 100% nøgd med desse to lyktene, men satsar på at øving gjer meister 🙂

Eg fylte sjølvsagt i nye ballongar med eingong eg hadde fått ferdig dei fyrste, men så slo jo veret om og det vart plussgrader igjen. Difor står no desse ballongane….

….og blomstrar på trappa 🙂

Dei melder kaldare vert på slutten av veka igjen, så eg satsar på at det skal bli lykter av desse og 🙂

Hvis du vil sjå korleis ein SKAL laga desse islyktene, kan du gå inn på Moseplassen si heimeside og sjå video: Ballongislykter