Ja, i dag har eg tatt på meg «matbloggerhatten» og kjem med eit lite middagstips 🙂 Eg kan ikkje ta på meg å vera verken nokon god kokk – mine forsøk på nye oppskrifter vekker sjeldan, eller aldri, nokon jubelbrøl her i huset… Men i 2015 fekk eg brått noko til felles med Baha Men, 4 Non Blonds & Billy Ray Cyrus – eg fekk til ein one-hit wonder!! Så her kjem oppskrift på Anitas Vårrullar:Eg har faktisk hatt privat kurs i å laga vårrullar, men når eg skulle laga dei på eige hand, så valgte eg å kombinera to oppskrifter. I den oppskrifta eg var med og lærte meg skulle f.eks ingenting steikast på førehand, men eg har i mi oppskrift valgt å steika alt fyrst – då slepp eg bekymra meg for kor lenge vårrullane må friterast.
Her er ingrediensane:
- 350-400 houvudkål – strimlet
- 1 stor løk – finhakkast
- 3 gulrøtter – rives på rivjern
- 1/2 purreløk – finsnittast
- 3-4 fedd kvitløk – finhakkast
- 2 blokker buljong – grønsak-/hønsebuljong er valfritt
- 3-4 ss søt chilisaus
- 2 pk kylling kjøtdeig
- 25 store blad filodeig (finnes i frysedisken på butikkane)
- 1 eggekvite til pensling
- Nøytral olje til steiking og fritering
Så gjør man så her:
- Fres løken i litt olje.
- Ha i houvudkålen og steik til denne er blitt mjuk.
- Ha i gulrøtter, purreløk, kvitløk og bland alt saman.
- Tilsett buljong blanda ut i 1/2 dl vatn
- Bland inn søt chilisaus
Sett grønsaksblandinga til sides medan du fortset med:
- Steik kyllingkjøtdeigen
- Bland saman kjøtt- og grønsaksblandinga.
Sånn, då burde du ha ei fin blanding til å laga vårrullar av 🙂
Avkjøl blandinga ei lita stund.
Så er det på tide å rulla vårrullane – det gjer ein så enklet som dette her:
- Legg ei mengd passeleg fyll på filodeigen.
- Rull saman ein eller to ganger (alt etter kor mykje fyll du har tatt på)
- Brett saman sidene
- Pensle toppen med litt eggekvite
- Og rull heilt saman – voila – du har ein ferdig vårrull klar til fritering 🙂
Bruk ei nøytral olje til fritering, men pass på at den tåler sterk varme. Her har eg brukt rapsolje:
Fritert vårrullane til dei eg gylne og fine 🙂
No er vårrullane dine klar for servering:
Serverast med salat og ris som tilbehør 🙂 YUM! Snadder 🙂
Filodeigblada dei har i frysedisken på min butikk er ganske store og av denne oppskrifta får du ca. 25 stk store vårrullar. Det høyres kanskje mykje ut, men dei du ikkje brukar puttar du i frysaren (berre ikkje friter dei fyrst). Her i huset er 25 stk nesten for lite til å tilfredstilla etterspurnaden, så eg må vurdera å auka oppskrifta 🙂
Desse vårrullane er, som sagt, blitt ein suksess her i heimen. No spørs det om eg kan få til ein one-hit wonder i 2016 og 😉
anitasboble 