Ramsløk

by anita

Velkomen til Anitas boblekjøken 😀 Eg var så heldig å få plukka litt ramsløk frå ein hemmeleg plass (vi oppgjer ikkje fiske-/sopp-/ramsløk plassar, har eg skjøna), her om dagen…

…. og i dag var det på tide å kokkelera noko av denne. Ramsløksalt og ramsløksmør googla eg meg fram til at skulle vera ganske enkelt å få til 😀

Eg starta med å kutta opp ramsløken.

Så skulle eg eigentleg bruka blender og kutta ramsløken opp i enda mindre bitar. Men ingen av mine blendarar ville kutta ramsløk – eg måtte gje meg på det når det byrja komma røyk i frå både blender og innhold 🤣 Dermed måtte eg berre blanda det eg hadde av ramsløk i lag med maldonsalt og prøva å ha det i lag i blendaren. Det gjekk litt betre, og eg fekk ei grei blanding…

… eg kunne bre utover bakepapir på ei steikeplata. Denne vart satt midt i omnen på 50-70 grader. Døra sat eg, som anbefalt, på gløtt slik at fuktigheiten kunne koma ut.
Så fekk det berre stå i omnen til eg synes det såg tørt nok ut….
… då tok eg det ut og lot det stå ei stund på kjøkenbenken og. Sidan det var blitt litt hardt og klumpete, brukte eg ei skei for å både løysa opp klupmane og knusa saltet i mindre bitar. Dette kunne eg jo brukt blendar til, men som dåke skjønar, var vi ikkje heilt vener i dag 😀
Når eg var nøgd med knusinga, var det berre til å hella saltet på eit glas 😀 Ser jo slett ikkje så verst ut dette?? Kva mat eg skal bruka dette på? Anar ikkje 🤣🤣

Medan saltet stod i omnen…

… kutta eg ramsløken til smøret. Her gav eg meg på tap utan eingong å prøva blendaren, så eg kutta så smått eg kunne….
… og blanda det inn i smøret…
…. breia smøret utover bakepapir, strødde pepper over, og sat det eit par timar i kjøleskapet…
… tok det ut att og rulla det til ei pølse….
… som eg kutta i bitar som vart pakka inn i bakepapir. Nokre av bitane vart putta i fryseboksen…
…. men eg måtte jo og smaka vidunderet på dagens middag 😀 Sjølv om smøret berre vart sånn halvvegs slik det skulle vera (eg MÅ kjøpa ny blender), så vart smaken sikkert akkurat slik den skulle 😀 👍

Eg er veldig nøgd med dagens kokkelering, eg.

Sopp, blåbær, bjørnebær, ramsløk – eg kan jo snart slutta å ha med meg nista på tur og leva av det eg finn i skauen 🤣 Kva blir det neste? Ekornfelle??

Legg att eit svar

Fill in your details below or click an icon to log in:

Gravatar
WordPress.com logo

Du kommenterer no med WordPress.com-kontoen din. ( Logg ut /  Endre )

Google photo

Du kommenterer no med Google-kontoen din. ( Logg ut /  Endre )

Twitter-bilde

Du kommenterer no med Twitter-kontoen din. ( Logg ut /  Endre )

Facebook-foto

Du kommenterer no med Facebook-kontoen din. ( Logg ut /  Endre )

Avbryt

Koplar til %s

This site uses Akismet to reduce spam. Learn how your comment data is processed.