Det nye året har vermessig starta mykje betre en det forrige året slutta 🙂 Kaldt, fint og sol – ja, ikkje på Eik då, men ellers rundt omkring skin sola både her og der…I går bestemte turfylgjet mitt og eg oss for å ta søndagsturen i Husnesfjella. Eg plar gå til Bremstølen i frå Stripo, evt. skogsvegen ovanfor Husnes Motor, men i går bestemte vi oss for å prøva turen i frå Hellandsbrua. Ingen av oss hadde gått denne vegen før, så vi starta turen på nye stiar 🙂
Det er ikkje berre Bremstølen ein kan nå herifra 🙂
Det var veldig fint å gå denne vegen. Litt flatt og slakt til å byrja med før det gjekk oppover. Stien var tørr og fin og passe kupert. Etter ei stund byrja vi koma høgare opp, og då byrja vi å få utsikt og..
Kikkar ned på Hydro Husnes innimellom trea.
Her fekk ein utsikt nesten heilt ut i havgapet.
Rett og slett vakkert 🙂
Byrja å pusta tungt her – har blitt mykje sofasitting i jula 😉
Som dåke ser av bileta så kom vi opp i snø og is – det hadde vi ikkje trudd då vi starta turen. Akkurat det med is blei litt utfordrande enkelte stader då det etterkvart var litt berg rundt oss. Men det var berre å kikka seg litt rundt og går litt utanom stien, så gjekk det fint.
Nesten heilt oppe på toppen dukka denne velte idylliske hytta opp. Den er nok ikkje open for alle – i allefall var ho låst då vi kom forbi.
Kaldt nok til at elva har byrja frysa til når vi nærma oss toppen.
Endeleg oppe – eg synes det tok litt lengre tid enn eg hadde trudd – var det flatt bortover til Bremstølen. Vi måtte over brua for å koma på rett side av elva.
Biletet er tatt midt på brua.
Endeleg kom vi i sola 🙂 Og vi måtte sjølvsagt skriva oss i boka 🙂
Kan jo nesten ikkje få det vakrare enn dette 🙂
Om det var aldri så mykje sol på Bremstølen, så var det dessverre isande kald vind der 😦 Vi tok oss kun tid til å skriva oss i boka og fotografera litt før vi snudde nasen nedover skogen igjen….
Utsikt i frå Bremstølen.
Vi bestemte oss for å gå ned igjen på denne sida – slik at vi kom ned ovanfor Husnes Motor. Stien her var mykje våtare og meir isete enn stien vi valgte å gå opp, så vi burde kanskje ha gått ned andre vegen likevel.
Men, men, vi fekk oss ein fin rundttur og kjem nok til å gå her fleire gonger. Ein tur eg absolutt kan anbefala 🙂
anitasboble 