Surprise 🥳🥳 No er det jammen lenge sidan det har vore liv her på Bobla – ho har lege i dvale sidan oktober!!! Men like sikkert som når sola kjem fram om våren og folk skal ut på tur, så får eg kommentarar om at Bobla er sakna, for det var så kjekt å lesa om alle turane og få tips om kor ein kan gå 😀 Det er jo kjekt å høyra, så då får eg prøva å skjerpa meg litt 😉
No er jo dette absolutt ingen «autorisert» turblogg ein skal sitja si lit til og leggja livet sitt i hendene på – her går alt på ein hytt, både når det gjeld lengder, tidspunkt – ja, stort sett alt innhald. Om eg lyg med vilja? Absolutt – men kun for å krydra historia litt 😉
Så, då kan vi gå over til gårsdagens tur til Bondhusdalen 🌞🌞🌞 Ann Irene og eg fann ut vi fekk nytta siste «sommardagen» for denne gang til å ta denne turen – sånn før turistsesongen byrjar på fullt. Misforstå meg rett, eg synes det er veldig artig, og smått absurd, at det på få år har blitt folkevandring inn dalen – men EG treng ikkje gå i kø inn til vatnet 😀
Vi trudde no faktisk at vi hadde besøkt Bondhusdalen til alle årstider før, men tydelegvis ikkje…I ettertid har vi blitt fortalt at elva er vekke halve året. Det er litt flaut at vi drevne turgåarane ikkje visste det…
Vi hadde tenkt oss på litt lenger tur i går, rundt vatnet og bort på stranda. Niste hadde vi bunkra på den nye Bunnpris butikken på Seim 😀
Her skulle vi byggja, og her skulle vi bu – eller noko slikt. Eg slo opp turstolen og Ann Irene drog fram sitje underlaget. Solostove, drikke, ei pølsepakke, pølsebrød, lefser, godteri, grillpinner, klesbyte etc. Alt vart dratt ut av sekken – før vi bestemte oss for at vi måtte ta turen inn mot breen. Vi hadde nemleg oppdaga at der låg eit innsjekkingspunkt i Postkassetrimappen 🌞
Opp og hopp – vi forlot alle sakene våre der dei låg og la i veg. Dette var jo berre ein kjapp tur inn og ut ..
Det var lenger enn eg huksa… Men vi kom fram, og pga lite vatn, lenger inn mot breen enn før. Eg tok visst ingen bileter her, og det er nok sikkert like greit – for her skal ein vel eigentleg ikkje opphalda seg 😉 Og medan eg prøvde å vera den ansvarlege og vaksne som ymta frampå om at «vi bør gå tilbake – tenk om det er ein ispropp oppi her som løsnar…», sat Ann Irene seg ned og tok ei tissepause…
Vi fekk logga oss inn i Postkassetrimappen, og kunne nøgd starta på returen….
Ein heil time tok jammen denne korte turen att og fram til breen. Tinga våres låg på akkurat same plass vi forlot dei på stranda, noko anna forventa vi heller ikkje. Litt kvister og bark hadde vi plukka med oss på turen….
Etter å ha ete oss mett og god, var det tid for middagskvil i sola – akkurat då var det ikkje heilt til å tru at det var meldt regn neste dag.
Dette er jo ingen krevande tur, men det vart nokon kilometer å gå på grus og stein. Det er lenge sidan eg har gått så langt, og føttene var nok ikkje heilt forberedt – det var ganske såre fotsåler som kom ned på parkeringsplassen 😃 Men vi hadde ein kjempeflott tur, så det var verdt det 😃
Ein liten biltur heim og så gjekk vi rett på kaien og avslutta dagen men eit par glas bobler. Ein strålande aprildag 🌞🌞
anitasboble 