Eg fraus ikkje når eg kraup inn i teltet og åla meg inn i soveposen laurdagskvelden. Likevel byrja eg å frysa litt etter ei stund, men ikkje nok til å åla meg utav posen igjen for å ta på meir kler…
Men eg tar det som eit teikn på at, sjølv med ein skikkeleg vinterdunpose, så må ein frysepinne som meg belaga seg på å kle på seg godt med ull når eg skal sova ute frametter. Eg fekk varmen i meg etterkvart, og skikkeleg varmt vart det i allefall når eg vakna på morgonen og sola skein på teltet…
Etter frukost var det på tide å koma seg på vatnet – det var jo padletur som stod på programmet denne dagen.
Vetrhusvatnet ser kanskje ikkje så spanande ut å padla på, men det er veldig kjekt 😀 Du må passa på heile tida, for det er mykje stein, og djupna varierer heile tida. I tillegg er det mange «krinkelkrokar», og min favoritt – det grøne «sivet» 😀
Men vi skulle ikkje berre padla, vi hadde tenkt oss ut på ein liten gåtur og..
Når vi synes vi hadde vore på tur til fots lenge nok, snudde vi og gjekk attende mot kajakkane igjen.
No hadde vi vore lengje på tur og byrja å bli svoltne. Vi sat kursen mot land og glampingplassen att.
Etter ein middagskvil gjenstod det no berre å pakka all stæsjen vår i bilane og sei takk for eit strålande døgn i fjellet….
Fantastisk flott og kjekk helg 😀 Eg håpar på fleire slike frametter 😀👍
anitasboble 