Bobla har vore kraftig nedprioritert dei siste månadane. Kortid skulle eg fått tid til å laga innlegg når det kun har vore utever – det har jo vore god «gammaldags» sommar slik eg huskar frå då eg var liten 😀 Og det byrjar å bli spøkje lengje sidan..
SOL, masse SOL 🌞🌞🌞 Slik vil eg huska sommaren 2021. Det betyr og ingen lange fjellturar på meg – det blir for varmt 🔥 Den siste, forholdvis, lange fjellturen eg var på, var ein tur til Gråfjell med Ann Irene 26. juni…
Men litt regn har vi jo hatt innimellom. Fyrste helga i ferien min skulle eg passa tantehunden min Milo. Eg såg for meg lange, fine turar…
Jorunn har kjøpt seg backraft i sommar. Vi såg for oss at no skulle vi gå Lars Monsen ein høg gang – lange gåturar i fjellet med 70kg ryggsekk, der kvar minste bekk og pytt vart forsert i backraften. Så langt trur eg lengste turen den er blitt frakta er 100 meter ned til Hølen ved skytebana i Omvikdalen…
Nye, fine perler i nærområdet har vi utforska denne sommaren..
Obligatorisk mat på tur…
Så skulle ein jo tru at det har vore masse tid til bading og soling på stranda….
For det store prosjektet i år har vore far og datters snekkerier…
Ein varm dag tok eg turen inn i Børsdalen…
Eg har ikkje berre sprunge i skogen…
På førehand såg eg for meg at det skulle bli opptil fleire overnattinga i telt og hengekøye, men det er så langt kun blitt ei overnatting i telt – sånn ca. 5 meter frå bilen.. Det var ein kveld eg heiv meg rundt, køyrte opp til Staffivatnet og campa med Jorunn og Svein Vidar.
4 veker ferie var over på eit blunk, men det var ikkje finveret og sommaren 😀 Den vil vist ingen ende ta i år. Eg klagar ikkje over det 😀
Men alt kan jo ikkje vera fryd og gammen heile tida….Ein dag eg kom heim frå jobb og skulle varma meg middag, hadde komfyren andre planar – rett og slett å avgå med døden ☹️ Den forholdsvis nye komfyren som stod i kjellaren, og skulle bli redninga mi – avgjekk med døden i sympati med den fyrste..
Eg kunne levd lenge på å laga mat i skauen på stormkjøkenet, eg. Men så venta eg jo sonen heim på friveka – og eg trur ikkje han hadde vorte så begeistra over forslaget om å bli med mor i skauen for middagslaging….
Og sånn har sommaren og dagane gått. No må eg avslutta denne oppsummeringa – bilen er pakka til randen av alt ein treng og ikkje treng for ei natts camping i fjellet 😀 Eg er nesten sikkert på at det kjem eit nytt innlegg frå den turen…
anitasboble 