Turmotivasjon 😃

Kan ein kjøpa seg turmotivasjon?? Ja, tenkte (håpa) eg, og gjekk å kjøpte meg ei ny treningsklokke etter jobb i dag 😃

Dei siste vekene har eg kun traska rundt bygda og dalen på asfalt – sjølv om både snø og is er vekke for lengst. No trong eg eit puff for å koma meg litt opp i høgda igjen. Og det puffet håpa eg då altså at ei treningsklokke skulle gje meg 😃

Sidan eg har Huawai mobil, tenkte eg at det passa med ei Huawai Watch Fit. 5 minuttar etter at eg entra Power, var eg ute att med ny klokke 😃 (Ok, eg hadde googla og bestemt meg for kva klokke eg skulle ha på førehand).

Lading og installering vart unnagjort medan eg heiv i meg middagen 😃 Bruksanvisning var ikkje med – det må lastast ned i frå nettet. Det gadd eg ikkje – kor avansert kan ei klokke vera??

Så var eg klar for prøvetur – til Ådnaklett. Klokka var på og eg la i veg.

Eg er jo av dei som berre vil at ting skal virka utan om og men. Men eg hadde ikkje kome langt før eg byrja lura på om det kanskje var meininga at eg skulle skru på eit eller anna? Sjekka appen på mobilen – og fekk skrudd i gang ein gåtur 😃 Ein mann inne i den nye klokka fortalte meg at turen var starta. Ok, då var eg i gang 😃

Eg tutla meg jamnt og trutt oppover mot Ådnaklett. Nesten oppe fortalte mannen i klokka at eg hadde gått 1 kilometer og ramsa opp korleis det stod til med meg…

På veg ned byrja forøvrig Whitney Houston å syngja for full hals frå mobilen min. Ho song ikkje frå Spotify, så kor ho kom i frå anar eg ikkje?? Fekk stoppa ho på eit eller anna vis. Så om du går tur i skogen og brått høyrer full disco, er det sikkert A. Enæs som står i nærleiken og fiklar med klokka si 🤣

Vel heima var det på tide å sjekka stoda…

Eg har slett ikkje tenkt å sitja i ro fram til torsdag! Nei, eg må nok ut på ny tur og ny rute i måro og sjå kva klokka seier då 😃😉 Så så langt funkar ho jo som turmotivasjon 😃

PS! Akkurat no dirra det i klokka og eg fekk beskjed om å bevega meg – så ho er jo ikkje einig i at eg skal kvila i 72 timar ho heller 😉 Får gå å hengja opp litt kler…